Almatyda 88 jeke sot oryndaýshysy ákimshilik jazaǵa tartyldy
Tekserý nátıjesinde 88 jeke sot oryndaýshysy ákimshilik jazaǵa tartyldy.
«Sot oryndaýshylary boryshkerlerdiń múlkine tyıym salmaǵan. Olardyń Respýblıkadan tys jerlerge shyǵýyna shekteý qoımaǵan. Turaqty tabysy men zańdy tulǵalardyń úlesi bolǵan jaǵdaıda bereshek óndirilmegen. Mysaly, M.Áýezov aýdanynda sot oryndaýshysynyń salǵyrttyǵynan boryshker bir jyl ishinde salyqtardy tólemeı, shekaradan kedergisiz ótip, shetelde demalyp kelgen», - dedi prokýratýranyń baspasóz qyzmetinen.
Alataý, Almaly, Jetisý, Naýryzbaı jáne Túrksib aýdandarynyń prokýratýralary jeke sot oryndaýshylarynyń qyzmetinde osyndaı zańbuzýshylyqtardy anyqtady.
Qadaǵalaý aktileri boıynsha 88 jeke sot oryndaýshysy tártiptik jaýapkershilikke tartyldy.
Nátıjesinde memleketke 19 mlrd teńgeden asa shyǵyn keltirildi. Qazir barlyǵy 3,3 mlrd teńge óndirildi.
Aıta keterligi, prokýratýra bereshektiń, onyń ishinde alıment pen jalaqynyń barlyq túrlerin óndirip alýǵa basty nazar aýdarady.