Almatyda 86 naýqas koronavırýstan emdelip jatyr
ALMATY. QazAqparat – Almatyda bir táýlikte 8 adam koronavırýs juqtyrdy. Onyń 6-da sımptom bar, 2-de aýrý belgileri joq. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
Eki adam jazylyp shyqty, bir adam aýrýhanaǵa jańadan tústi.
400 tósek-oryndyq ınfektsııalyq statsıonarlarda 86 adam jatyr, onyń ishinde 11 bala bar.
Jalpy reanımatsııa jáne qarqyndy terapııa bólimshesinde 12 adam jatyr.
4 naýqas jasandy tynys alý apparatyna qosylǵan. High flow-da 5 apparat jumys isteıdi.
Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 102 naýqas bar.
Onyń ishinde jeńil jáne ortasha aýyr jaǵdaıda – 86 naýqas, sımptomsyz - 16 naýqas bar.
