Almatyda 83 kólik tonaýshy ustaldy
ALMATY. QazAqparat - Almatylyq tártip saqshylary avtokólikterdiń qosalqy bólshekteri satylatyn qala bazarlarynda jedel-aldyn alý sharalaryn júrgizdi, dep habarlaıdy QazAqparat tilshisi.
«Sońǵy jarty jylda 49 maqsattyq jedel-aldyn alý sharalary ótkizildi. Nátıjesinde qylmys jasaǵany úshin kúdikti retinde 4 myńnan astam adam ustaldy, basqa bireýdiń múlkin urlaýmen aınalysatyn 118 toptyń qylmystyq qyzmeti toqtatyldy. Bógde avtokólikterden múlik urlaǵan 403 adamnyń 37-i aına urlaǵany úshin ustaldy, onyń 7-eýi buryn sottalǵan, urlanǵan taýarlardy satyp alǵan16 adam sottaldy. Ústimizdegi jyldyń 3 aıynda urlanǵan múlik satý oryndarynda 51 aına, 7 avtomagnıtofon, 14 tumanǵa qarsy sham tárkilendi. Avtokólikterden bótenniń múlkin urlaǵany úshin 83 adam ustaldy, onyń 30-dan astamy aına urlaýmen aınalysqan», - dep habarlady Almaty PD basshysy, general-maıor Serik Kúdebaev.
Polıtsııa málimetinshe, 1-5 sáýir aralyǵynda ótkizilgen jedel-aldyn alý sharalary barysynda «Carcity» aýmaǵynda avtokóliktiń qosalqy bólshekterin satýmen aınalysatyn 30 TBO, 403 býtık tekserildi.
Avtor: Danııar Daýtalıev
