Almatyda 82 shaqyrym velojol abattandyryldy
ALMATY. QazAqparat – Almatyda uzyndyǵy 82 shaqyrym quraıtyn velojoldar abattandyryldy, dep habarlaıdy QazAqparat tilshisi.
Almatynyń qalalyq mobıldilik basqarmasy málim etkendeı, qysqy maýsymda velosıpedshilerdiń qaýipsizdigi úshin velojolaqtardan blokırator-bollard alynyp tastalady. Bul joldardy qardan tazartý úshin qajet.
A.Baıtursynov kóshesi boıyndaǵy uzyndyǵy 2,19 shaqyrym bolatyn ýchaske men D.Qonaev kóshesi boıyndaǵy uzyndyǵy 2,2 km aýmaq bollardpen jabdyqtalǵan. Kóktemde olar óz ornyna qaıta qoıylady.
«Almatyda 82 shaqyrym velosıped ınfraqurylymy — velojol men velojolaq abattandyrylǵan. Atap aıtqanda, Abaı dańǵyly boıyndaǵy bólingen joldar (Dostyq dańǵylynan Ortalyq stadıonǵa deıin); «Atakent» kórme ortalyǵy aýmaǵyndaǵy velojoldar; Tımırıazev kóshesi boıyndaǵy (A.Baıtursynov kóshesinen T.Jarokov kóshesine deıin); Kablýkov kóshesi boıyndaǵy (Ótepov kóshesinen S.Toraıǵyrov kóshesine deıin); S.Toraıǵyrov kóshesi boıyndaǵy (Á. Kekilbaev kóshesinen Saıyn kóshesine deıin); Saıyn kóshesindegi (S.Toraıǵyrov kóshesinen Q.Rysqulbekovtiń ońtústigine qaraı); Jibek joly dańǵylyndaǵy (Sh.Ýálıhanov kóshesinen MjDP temirjol ótkeline deıin); Gogol kóshesindegi (A.Pýshkın kóshesinen Jeltoqsan kóshesine deıin, Sh.Qaldaıaqov kóshesinen Ǵ.Qaıyrbekov kóshesine deıin) velojoldar»,– delingen habarlamada.
Sonymen qatar, kólik júretin bóliktegi velojolaqtar da retke keltirildi.
Olar myna kóshelerdiń boılarynda ornalasqan:
– A.Baıtursynov kóshesi (M.Maqataev kóshesinen Tımırıazev kóshesine deıin); Qonaev kóshesi (Abaı dańǵylynan Maqataev kóshesine deıin);
– M.Maqataev kóshesi (Sh.Ýálıhanov kóshesinen A.Baıtursynov kóshesine deıin);
– Shevchenko kóshesi (D.Qonaev kóshesinen T.Jarokov kóshesine deıin);
– Buqtyrma kóshesi (B.Maılın kóshesinen Qulja tasjolyna deıin);
– T.Jarokov kóshesi (Tımırıazev kóshesinen Ótepov kóshesine deıin);
– Ótepov kóshesi (Jarokov kóshesinen Á. Kekilbaev kóshesine deıin);
–Sh.Ýálıhanov kóshesi (Raıymbek dańǵylynan Abaı dańǵylyna deıin).
Qazirgi kezde velojol jelisin odan ári keńeıtý úshin velosıped ınfraqurylymyn damytýdyń tujyrymdamasy jasalyp jatyr.
