Almatyda 800 adam bankrottyq rásimdeýge ótinish berdi

ALMATY. QazAqparat – Almatyda 800 azamat bankrottyq rásimdeýge ótinish berdi. Bul týraly Almaty qalasy boıynsha memlekettik kirister departamentiniń baspasóz qyzmeti málim etti, dep habarlaıdy QazAqparat tilshisi.

Ótinimder halyqqa qyzmet kórsetý ortalyǵynda qabyldanyp jatyr.

Salyq organynyń málimetinshe, ótinish qabyldaý men boryshkerdiń kiris krıterıılerine sáıkestigi turǵysynan múddeli memlekettik jáne ózge de organdardyń derekterimen avtomatty túrde salystyrý aqparattyq júıe arqyly júrgiziledi.

Eń bastysy, azamattar bul nesıe qaryzynyń amnıstııasy emestigin túsinýi kerek, sebebi ózin bankrot dep taný mynadaı sharalarǵa ákeledi:

- bes jyl ishinde nesıe ala almaıdy (lombardtardyń mıkrokredıtterin alýdan basqa);

- qaıta bankrottyq jeti jyldan keıin ǵana múmkin bolady;

- qarjylyq jaǵdaıy bankrottyqtan keıin úsh jyl boıy tekseriledi. Tólem qabiletin qalpyna keltirý kezinde mundaı sharalar bolmaıdy.

Sonymen birge vedomstvo bankrottyqtan soń azamattyń nesıe reıtıngi tómendeıtinin túsinip, bankrottyq týraly oılanyp, naqty sheshim qabyldaýy qajet ekenin eskertti.

Aıta keteıik, sottan tys bankrottyq rásimin qoldanýǵa ótinishti HQO arqyly qana emes, eGov.kz, «E-salyq-Azamat» mobıldik qosymshalary arqyly onlaın jasaýǵa bolady.

Eske salaıyq, buǵan deıin jeke adamdardyń bankrottyǵy týraly quqyqtyń kómek alýǵa 10 myńnan astam adam ótinim bergen bolatyn.