Almatyda 80-nen astam taldy syndyrǵan buzaqy ustaldy
ALMATY. QazAqparat - Almatyda ál-Farabı kóshesindegi aǵashtardy syndyrǵan buzaqy ustaldy, dep habarlaıdy QazAqparat tilshisi.
Bul týraly QazAqparat tilshisine qalalyq ІІD-niń resmı ókili Saltanat Ázirbek aıtty.
«Kúdikti retinde 27 jastaǵy Qarasaı aýdanynyń týmasy ustaldy. Qazir oǵan qatysty QR QK-niń 202-baby boıynsha is biryńǵaı tergeý tizilimine tirkeldi. Bastapqy málimet boıynsha, er adam oblystyq psıho-nevrologııalyq dıspanserde esepte turǵan. Qazir bul aqparatty tekserip jatyrmyz», - dedi Saltanat Ázirbek.
Aıta ketý kerek, bul keleńsiz jaǵdaı týraly keshe áleýmettik jelide Almaty turǵyndary bólisken bolatyn.
Kýágerlerdiń aıtýynsha, belgisiz bireý kóshe boıynda otyrǵyzylǵan 80-nen astam úıeńki men talshyn tuqymdy taldy syndyryp ketken.
