Almatyda 8 jyldan keıin Nurǵısa Tilendıev atyndaǵy respýblıkalyq dırıjerlar baıqaýy óz jalǵasyn tapty
ALMATY. 2 mamyr. QazAqparat - Búgin Almatyda Nurǵısa Tilendıev atyndaǵy ІІ Respýblıkalyq dırıjerlar baıqaýy bastaldy.
Jambyl atyndaǵy Qazaq memlekettik fılarmonııasynda ótip jatqan bul shara 5 mamyrǵa deıin sozylady.
«Alǵashqy respýblıkalyq baıqaý 2004 jyly ótken bolatyn. Bıyl oǵan elimizdiń túkpir-túkpirinen 16 úmitker qatysyp otyr. Olardyń kóbi orkestrlermen jumys istep júrgen mamandar. Oǵan QR Eńbek sińirgen ártisi Aıtqalı Jaıymov bastaǵan qazylar alqasy tórelik etedi», - deıdi Mádenıet jáne aqparat mınıstrliginiń Mýzyka óneri basqarmasynyń bastyǵy Nurbolat Ahmetjanov. Onyń aıtýynsha, 18 ben 40 jas aralyǵyndaǵy úmitkerler N.Tilendıev atyndaǵy «Otyrar sazy» folklorly-etnografııalyq orkestri men fılarmonııanyń sımfonııalyq orkestrimen jumys isteıdi. Olar N.Tilendıevtiń shyǵarmalaryn, batys klassıkteriniń ártúrli janrdaǵy týyndylaryn oryndaıtyn bolady.
