Almatyda 8 naýryz kúni qansha bala dúnıege keldi

ALMATY. QazAqparat - Almatyda 8 naýryz - Halyqaralyq áıelder kúni 77 sábı dúnıege keldi, dep habarlaıdy QazAqparat tilshisi.

Almaty qalalyq qoǵamdyq densaýlyq saqtaý basqarmasynyń málimetinshe, 8 naýryz kúni 00:00-16:00 aralyǵynda megapolıstegi perzenthanalarda jalpy sany 77 bala dúnıe esigin ashqan.

Onyń 41-i ul, 36-i qyz bala. Túngi saǵat 00:00-ge deıin ómirge taǵy da náresteler keledi.

Vedomstvonyń aqparatyna sáıkes, barlyq jańa týǵan náreste men olardyń analarynyń jaǵdaıy óte jaqsy.

2021 jyly Almatyda 42 myńnan astam sábı dúnıege keldi.

Eske salaıyq, Táýelsizdiktiń 30 jyldyq mereıtoıynda dúnıege kelgen sábılerge Memleket basshysy Qasym-Jomart Toqaevtyń atynan arnaıy syılyqtar tabys etildi.

«Súıinshi» dep alatyn qorapqa sábılerge qajetti jórgek, kıim-keshekter men ózge de zattar salynǵan.