Almatyda 8 myńnan asa túlektiń mektep bitirýin 700 polıtseı qadaǵalady
ALMATY. qazAqparat - Almatyda 224 mektepte 8 329 túlek mektep bitirip shyqty. Qalada mektep bitirý keshi bolǵan joq. Qalalyq Bilim berý basqarmasy keshki merekeni ótkizbeýge sheshim shyǵardy, dep habarlaıdy QazAqparat tilshisi.
Qalalyq polıtsııa Departamentiniń baspasóz qyzmeti habarlaǵandaı, mektepterdegi qaýipsizdik sharalaryn 700 polıtseı baqylaǵan.
«Bul saltanatty kúni qoǵamdyq tártipti saqtaý asa mańyzdy boldy. Osy maqsatpen mektepter men mektepterdiń aınalasyndaǵy terrıtorııalarda ótkizilgen sharalardy baqylaýǵa 700 polıtsııa qyzmetkeri tartyldy. Jergilikti polıtsııa osy maqsatta arnaıy shtab qurdy. 250 adam jol qaýipsizdigin tekserdi. Odan bólek túngi ýaqytta, saıabaqtarda qosymsha kúshter tartyldy», - dedi PD jergilikti polıtsııa basqarmasynyń ókili Leıla Álipbaeva.
«Mektep bitirý keshteri jalpy bilim berý mektepterinde bolmady. Mektepterdegi qaýipsizdik sharalaryn saqtaýǵa kómektesken tártip saqshylaryna alǵys aıtamyz», - dedi qalalyq Bilim basqarmasynyń basshysy Gúlnar Qojabergenova.
