Almatyda 8 dáriger baspanaly boldy
ALMATY.QazAqparat - «Pedıatrııa jáne balalar hırýrgııasy ǵylymı ortalyǵynyń» 8 dárigeri baspanaly boldy, dep habarlaıdy QazAqparat tilshisi.
Búgin Pedıatrııa jáne balalar hırýrgııasy ǵylymı ortalyǵynyń basshysy Rıza Boranbaeva «Nurly jer» baǵdarlamasy boıynsha Almaty qalasy «Alǵabas» aýdanynan baspanaly bolǵan 8 qyzmetkerdi qýanyshtarymen quttyqtap, syı-syıapat jasady.
«Medıtsınalyq mekemeler ishinde bizdiń ortalyqtyń qyzmetkerleri eń kóp páter kiltine ıe boldy. Áli de bir qyzmetkerimizdiń ótinishi qaralýda. «Nurly jer» baǵdarlamasy dárigerlerdiń baspana máselesin sheship qana qoımaı, elimizdiń kadr áleýetin arttyrýǵa óz septigin tıgizeri sózsiz. Bala densaýlyǵyn nyǵaıtýǵa qosar úlesterińiz kóp bolsyn!» - dep aq tilegin bildirdi R.Boranbaeva.
Páter kiltine arnaıy irikteý boıynsha kóp jyldarden beri medıtsına salasyna bar ómirin arnap, ólsheýsiz úles qosyp kele jatqan bilikti dárigerlermen qatar, jas mamandar da ıe boldy.
Atalǵan ortalyqtyń baspasóz qyzmetiniń habarlaýynsha, baspana «Nurly jer» baǵdarlamasy aıasynda QR Densaýlyq saqtaý mınıstrligi men «Qazaqstandyq ıpotekalyq kompanııa» AQ arasyndaǵy memorandýmnyń arqasynda berilgen.
