Almatyda 8,1 myń adam koronavırýs vaktsınasyn aldy
ALMATY. QazAqparat – Almatyda bir táýlikte 8165 adam vaktsına saldyrdy, dep habarlaıdy QazAqparat tilshisi.
«23 sáýir kúni 8165 almatylyq vaktsına saldyrdy», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
Bıylǵy jyldyń 1 aqpany men 23 sáýir aralyǵynda barlyǵy 170 118 adamǵa ekpe salyndy. Vaktsınanyń eki komponentin 15 289 adam aldy.
Almaty qalasynda vaktsınatsııa josparǵa sáıkes júrgizilýde jáne sáýirdiń 11-24 aralyǵynda 100 myńnan astam adamdy KVI-ge qarsy ımmýndaý josparlanǵan.
Búgingi kúni qalada 205 pýnkt jumys istep jatyr, 1 827 adamnan turatyn 406 egý brıgadasy bar.
Sondaı-aq, Á. Qasteev atyndaǵy óner murajaıynda (Sátbaev kóshesi) ashylyǵan vaktsınalaý pýnkti óz jumysyn bastady. Jumys ýaqyty: 08:00-den 20:00-ge deıin.
Aıta keteıik, Naýryzbaı aýdanyndaǵy «Taý samaly» bazarynda vaktsınatsııa pýnkti ashyldy.
Almaty 22 sáýir kúni 34 900 doza 7 transh vaktsına jetizildi (1 komponent).
