Almatyda 79 jastaǵy keıýanany kólik qaǵyp, mert etti
ALMATY. 7 jeltoqsan. QazAqparat /Názıra Eleýhan/ - Jol-kólik oqıǵasy Tilendıev kóshesiniń batysynda Esenjanov kóshesinde oryn alǵan.
Qart ana kósheni ońtústik baǵytqa qaraı belgi ornatylmaǵan jerden ótken. Bul kezde shyǵys baǵytta «Gaz-33021» markili avtokólik júrip bara jatqan. Kólik qaǵý saldarynan ashyq bas súıek jaraqatynan qart kisi oqıǵa ornynda kóz jumǵan.
«Gazeldiń» 24 jastaǵy júrgizýshisi ájeıdiń jol bóligine kenetten shyǵa kelgenin aıtyp aqtalýda. Onyń sózine qaraǵanda, shopyr jaıaý júrginshini jol ústinde kesh baıqaǵan. Tipti jedel tejegishti basqannyń ózinde temir tulpar tez arada toqtamaǵan.
Qaıǵyly jaǵdaımen aıaqtalǵan jol-kólik oqıǵasy faktisi boıynsha Almaty qalasynyń ІІD Anyqtaý basqarmasynda qylmystyq is qozǵaldy.
