Almatyda 78 tonna dızel otynyn zańsyz satqan JShS basshysy sottaldy

NUR-SULTAN. QazAqparat - Almatyda «AA Trade Company» JShS basshysyna qatysty asa iri kólemde munaı ónimderin zańsyz saqtaý jáne satý faktisi boıynsha sotqa deıingi tergeý aıaqtaldy, dep habarlaıdy Qarjylyq monıtorıng agenttiginiń baspasóz qyzmeti.

Tergeý barysynda JShS basshysy jalpy somasy 14,6 mln teńgege 78 tonna dızel otynyn shyǵý zańdylyǵyn rastaıtyn qujattarsyz satyp alý-satýmen aınalysqany anyqtaldy.

Sot úkimimen aıyptalýshy kináli dep tanylyp, oǵan raqymshylyq qoldanyla otyryp, 2 jyl merzimge bas bostandyǵynan shartty túrde aıyrý jazasy taǵaıyndaldy.

Foto: cdn.u.media