Almatyda 7771 kóp páterli úı bar - Erbol Shormanov

ALMATY. 9 tamyz. QazAqparat - Almaty turǵyn úı qorynyń 50 paızydan astamy kúrdeli jóndeýden ótkizýdi qajet etedi. Bul búgin turǵyn-úı kommýnaldyq sharýashylyq máselelerine arnalǵan alqaly jıynda aıtyldy.

«Qalada 7771 kóp páterli turǵyn úı bar. Onda  jeke páter ıeleri kooperatıvi, kondemenıým jáne sol sııaqty basqa da 743 basqarý organdary qyzmet jasaıdy. Kondemenıým nysany retinde onyń qazirgi tańda 1177-si memlekettik tirkeýden ótti. 20-25 jylda bir ret kúrdeli jóndeýden ótýi tıis turǵyn úı sany - 4446. Bul jalpy turǵyn úı qorynyń 50 paıyzdan astamy. Al paıdalanýǵa berilgenine  50-jyldan asqan úılerdiń sany 1441. Bul turǵyn úı qorynyń 19 paıyzy», - deıdi qala ákiminiń ornybasary Erbol Shormanov. E.Álimqululynyń aıtýynsha, qalada 4 myńnan astam lıft bar. Onyń 3 myńǵa jýyǵy  turǵyn úı qorynda. Olardyń 700-niń normatıvtik merzimi ótken. Olardyń paıdalaýǵa berilgenine  25 jyldan asyp ketti.

Qala ákiminiń orynbasary: «2011 jyly respýblıkalyq bıýdjetten turǵyn úı qoryn jóndeýge 807 mıllıon teńge qarjy bólindi. Oǵan 66 úı jáne  6 úıdegi 19 lıft jóndeldi. Sondaı-aq atalmysh úıler «Almaty aýlalary» baǵdarlamasy boıynsha jergilikti bıýdjet esebinen kógaldandyryldy»,  - dedi.