Almatyda 77 jasar qarııa áıelin qyzǵanyp, pyshaqtap tastapty
ASTANA. Naýryzdyń 17-si. QazAqparat /Aıdar Ospanalıev/ - Almaty oblysynyń Qarasaı aýdanynda 77 jasar qarııa óziniń áıelin bireýden qyzǵanyp, pyshaqtap tastaǵan. Bul oqıǵa jóninde búgin Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
dep habarlaıdy QazAqparat.
Onyń aıtýynsha, oqıǵa aqpan aıynyń sońyna taman bolǵan. Qala turǵyndary Almaty qalalyq Іshki ister departamentiniń jedel basqarý ortalyǵyna habarlasyp, taýarly-sút fermasynyń janyndaǵy qoqysta birneshe jerinen pyshaqtalǵan áıeldiń máıiti jatqandyǵyn aıtqan. Atalmysh qylmysty izdestirý barysynda qalanyń 77 jasar azamaty ustalyp, ol óz kinásin moıyndaǵan.
Sondaı-aq departament basshysynyń málimetterinshe, Almatyda 5 adamnan qurylǵan qylmystyq top quryqtalǵan. Olar osy ýaqytqa deıin qaladaǵy keńseler men uıym, mekemelerge jáne turǵyn úılerge qaraqshylyq shabýyl jasaýmen aınalysqan. Qylmyskerlerdi quryqtaý kezinde olardan denege zaqym keltiretin tapansha men shoqpar, esik pen seıfterdi ashýǵa arnalǵan quraldar tabylǵan. «Tártip saqshylary atalmysh toptyń kezekti qaraqshylyq shabýylǵa shyqqaly jatqany jónindegi jedel aqparatty alǵan soń, olardy turyp jatqan páterinde qolǵa túsirdi», dedi departament bastyǵy.
