Almatyda 76 jastaǵy keıýanany kólik qaǵyp mert qyldy
ALMATY. QazAqparat - Almatyda jaıaý júrginshiler jolynan ótip bara jatqan áıeldi kólik qaǵyp ketti. 76 jastaǵy áıel oqıǵa ornynda kóz jumdy, dep habarlaıdy QazAqparat tilshisi.
Qaıǵyly jaǵdaı búgin Maılın kóshesiniń boıynda Bogdan Hmelnıtskıı kóshesine jetpeı oryn aldy.
Maılın kóshesimen ońtústik baǵytta kele jatqan Toyota Prado kóligi jaıaý júrginshini ótkizý úshin jolda toqtaıdy.
Alaıda onyń artynda kele jatqan Mersedes júk kóligi jyldamdyǵyn azaıta almaı, Toyota Prado kóligin soǵyp jiberedi. Al ol óz kezeginde áıeldi qaǵyp ketedi. Soqqydan 76 jastaǵy qart áıel birneshe metrge ushyp ketken.
Toyota Prado jol boıyndaǵy aǵashty qıratyp biraq toqtaǵan.
Jol apatynan keıýana til tartpastan kóz jumdy. Oqıǵa ornynda polıtsııa jumys jasap jatyr.
