Almatyda 76 jastaǵy áje jol apatynan zardap shekti
ALMATY. QazAqparat - Almaty qalasynda Seıfýllın kóshesi men Polıtehnıcheskaıa kóshesiniń qıylysynda BMV men Toıota RAV 4 kóligi soǵylyp, eki adam zardap shekti, onyń biri 76 jastaǵy qart adam, dep habarlaıdy QazAqparat tilshisi oqıǵa ornynan.
«BMV» kóliginiń júrgizýshisi jas qyzdyń aıtýynsha, ol Seıfýllın kóshesimen soltústik baǵyttan kele jatqan. Aıaq astynan oń jaq jolaqtan «RAV 4» aldyn kesip ótip, shuǵyl ońǵa burylǵan. Tejegish basyp úlgermegen BMV kóligi «RAV 4-ke» soǵylǵan. Soqqydan «RAV 4» aýdarylyp, oqıǵadan eki adam zardap shekti. Olar «RAV 4» júrgizýshisi men 76 jastaǵy áje. Zardap shekkenderdi jedel járdem kóligi aýrýhanaǵa alyp ketti.
Oqıǵa sebebin polıtsııa anyqtap jatyr.
