Almatyda 7563 tekshe metr qar syrtqa shyǵaryldy
ALMATY. QazAqparat - Almaty kommýnaldyq qyzmetteri birjarym táýlik boıy jaýǵan qardy tazalaýmen aınalysyp jatyr, dep habarlaıdy QazAqparat tilshisi.
Qalada 12 qarasha túngi saǵat 23:00-der shamasynda jaýyn jaýyp, sońy qarǵa ulasqan. Kesheli beri qalada 10 sm qar túsken.
Birjarym táýlik ishinde kommýnaldyq qyzmetter syrtqa 7563 tekshe metr qar shyǵarǵan.
«Qalada qar tazalaýǵa arnaıy 860 tehnıka men 2860 jumysshy tartyldy. Kóshelerge 5400 tonna kóktaıǵaqqa qarsy qum tógildi», - dep málim etti qalalyq Tabıǵı resýrstar jáne tabıǵatty paıdalanýdy retteý basqarmasynan. Aýdandyq ákimdikterde jáne qalalyq ákimdikte qardy tazalaý jónindegi jumystardy baqylaý boıynsha táýlik boıy kezekshilik uıymdastyryldy.
Qala ákimdigi avtomobıl júrgizýshilerine jol shetindegi kólikterin túngi ýaqytqa qaldyrmaýyn eskertedi.
13-14 qaraǵan túni qalanyń magıstraldy kóshelerindegi qar tazalaý jumystary jalǵasatyn bolady.
