Almatyda 72 jer ýchaskesi memleket qajettiligine májbúrli túrde alynady
ALMATY. QazAqparat - Almaty ákimdigi qalanyń soltústik baǵytyndaǵy negizgi magıstraldarda qozǵalysty jeńildetý maqsatynda Fýrmanov kóshesinen Jansúgirov kóshesine deıingi aralyqqa jolaıryǵyn salý týraly sheshim qabyldandy, dep habarlaıdy «QazAqparat» HAA tilshisi qala ákimdiginiń baspasóz qyzmetine silteme jasap.
Nysannyń qurylysyn júrgizýge tapsyrys berýshi - Almaty qalasynyń jolaýshylar tasymaly jáne avtomobıl joldary basqarmasy. Memleket qajettiligi úshin jer ýchaskelerin májbúrli túrde alý boıynsha bıýdjettik baǵdarlamanyń ákimshisi - Almaty qalalyq jer qatynastary basqarmasy.
«Jol qurylysy júrgiziletin aýmaqta 72 jer ýchaskesi ornalasqan, olardy satyp alý kezeń-kezeńimen iske asyrylady. Almaty qalasynyń ákimdigi 2017 jyldyń 27 aqpanynda «Memleket qajettiligi úshin jer ýchaskelerin qaıtaryp alýǵa baılanysty jer ýchaskelerin nemese basqa da jyljymaıtyn múlikti májbúrli túrde alýdy bastaý týraly» (26 jer ýchaskesinde) № 1/1-189 qaýlyny qabyldady. Atalmysh qaýly 2017 jyldyń 28 aqpanynda buqaralyq aqparat quraldarynda jarııalandy», - dep habarlady ákimdikten.
