Almatyda 71 jastaǵy kólik júrgizýshisi jol apatyna ushyrady
ALMATY. QazAqparat - Almatyda 71 jastaǵy kólik júrgizýshisi jol apatynan zardap shekti, dep habarlaıdy QazAqparat tilshisi oqıǵa ornynan.
Búgin Almaty qalasynda Áýezov pen Tóle bı kósheleriniń qıylysynda jol-kólik apatynan eki kólik zaqymdanyp, 1 adam zardap shekti.
Naqtyraq aıtqanda, «Honda SR-V» kóligin júrgizip kele jatqan 71 jastaǵy júrgizýshi Tóle bı kóshesinen Áýezov kóshesine qaraı, sol jaqqa burylǵan. Oǵan Tóle bı kóshesiniń qarsy betinde kele jatqan «Hıýndaı sonata» kóligi kelip soǵylǵan.
Oqıǵaǵa kýá bolǵandardyń aıtýynsha, soqqy qatty bolǵandyqtan «Honda» jol shetindegi qorshaýǵa baryp urylǵan. Qatty soqqydan «Honda» kóliginiń rólinde bolǵan 71 jastaǵy er adam zardap shegip, jedel járdem kóligimen aýrýhanaǵa jetkizildi.
Jol apatynyń mán-jaıyn polıtsııa anyqtaý ústinde. 
