Almatyda 700-den astam úı súriledi
NUR-SULTAN. QazAqparat – Almatyda tozyǵy jetken 708 úı súriledi. Ortalyq kommýnıkatsııalar qyzmetinde ótken baspasóz máslıhatynda shahar basshysy Baqytjan Saǵyntaev osyndaı málimet aıtty, dep habarlaıdy QazAqparat tilshisi.
«Ózderińiz biletindeı, Almatyda tozyǵy jetken baspana máseleleri bar. Sonymen birge, biz qala úshin tarıhı biregeılikti saqtaý birinshi mindet ekenin nazarda ustaımyz. Sol sebepten, turǵyn úı qoryn jańartý baǵdarlamasyn qabyldadyq. Baǵdarlama boıynsha 708 apattyq úıdi nemese 6 637 páterdi buzý, 34 605 páterge arnalǵan 683 úı salý kózdelgen», - dedi qala ákimi.
Onyń aıtýynsha, baǵdarlama jóndeletin páter ıeleriniń tolyq kelisimimen, menshik quqyǵyna kepildik bere otyryp júzege asyrylmaq.
Qala ákimdiginiń málimetine súıensek, jyl basynan beri baǵdarlama aıasynda 126 páterli 14 (Jetisý (8), Túrksib (2), Bostandyq (4) aýdandarynda) úı súrilgen.
