Almatyda 70-ten asqan qarttar arasynda bılıardtan jarys ótip jatyr
ALMATY. 3 mamyr. QazAqparat - Almatyda Medeý aýdanynyń jasy 70-ten asqan qarttarynyń arasynda «Úıde otyryp qartaımaıyq, qarııalar!» degen uranmen bılıardtan týrnır ótýde.
«RITTs» JShS-ne qarasty bılıard zalynda bolyp jatqan bul shara V saılanǵan Almaty qalasy máslıhatynyń depýtaty, Abaı atyndaǵy Qazaq ulttyq pedagogıkalyq ýnıversıtetiniń rektory Serik Pirálıevtiń bastamasymen uıymdastyrylyp otyr.
«Týrnırdiń maqsaty - zeınettegi qarııalardy úıde otyryp qartaımaı, salamatty ómir saltyn ustanyp, qatarlastaryna úlgi, jastarǵa ónege kórsetýge shaqyrý. Básekege 20-ǵa jýyq ardager qatysýda. Bolashaqta bul jarys dástúrli túrde túrde jyl saıyn ótetin sharaǵa aınalmaq»,- deıdi týrnırdi uıymdastyrýshylar.
