Almatyda 70-ge jýyq adam koronavırýs juqtyrdy delingen vıdeo jalǵan - DSM

NUR-SULTAN. QazAqparat - Qazaqstanda, Almatyda 70-ge jýyq adamnan koronavırýs anyqtaldy delingen vıdeo jalǵan. Bul týraly QR Densaýlyq saqtaý mınıstrliginiń Facebook-tegi paraqshasynda jarııalady, dep habarlaıdy QazAqparat tilshisi.

Áleýmettik jelide taraǵan vıdeoda ózin elordalyq dárigermin dep tanystyrǵan er adam koronavırýstyń Almatyda 70-ge jýyq adamǵa juqqanyn, osyǵan baılanysty dúısenbiden 10 kúnge aqysyz demalysqa shyǵatynyn aıtady.

«Qazaqstanda koronavırýstyq ınfektsııa tirkelgemegen. Esterińizge sala keteıik, jalǵan aqparat taratqandar QR Qylmystyq kodeksiniń 274-babyna sáıkes qylmystyq jaýapkershilikke tartylady. Resmı aqparatty Densaýlyq saqtaý mınıstrliginiń Facebook-tegi paraqshasynan oqı alasyzdar jáne táýlik boıy jumys isteıtin 1406 baılanys-ortalyǵyna qońyraý shalýǵa bolady», - dep attap ótedi atalǵan vıdeoǵa qatysty túsinikteme bergen Densaýlyq saqtaý mınıstrligi.