Almatyda 70 bılbordqa demontaj jasaldy
ALMATY. QazAqparat - Almatyda abattandyrý qaǵıdalaryna sáıkes kelmeıtin 70 bılbordqa demondaj jasaldy, dep habarlady «QazAqparat» HAA tilshisi.
Qalalyq ákimdikte habarlaǵandaı, alty jarnamalyq kompanııa 70 bılbordty óz erikterimen jóndedi. Eske salsaq, ótken jylǵy qarashada qalany abattandyrý qaǵıdasyna ózgerister engizildi. Ol kezde barlyq bılbordtar bir kólemde, bir standartta bolýy tıis degen sheshim qabyldanǵan. Taıaýda standartqa sáıkes kelmeıtin barlyq jarnamalyq stendter joıylady. Olardyń ornyn barynsha tartymdy, zamanaýı qurylymdar basady.
Almaty sáýlet jáne qala qurylysy basqarmasynyń derekterine sáıkes búginde qalada 1645 jarnamalyq qurylym bar, olardyń kórsetilgen talaptarǵa sáıkes kelmeıtin 594-ine demontaj jasaldy. Qazirgi ýaqytta Almatyda jańa formattaǵy 464 qurylym bar. Buzýshylyqtar tolyqtaı joıylǵansha, jumys jalǵasa bermek.
