Almatyda №70 baǵdarǵa jańa avtobýstar shyqty
ALMATY. QazAqparat - Almatyda jumys sapary barysynda qala ákimi Baýyrjan Baıbek №70 baǵdarǵa shyqqan jańa avtobýstardy baqylady, dep habarlaıdy QazAqparat tilshisi.
Qalalyq Jolaýshylar kóligi jáne avtomobıl joldary basqarmasynyń basshysy Maqsut Isahov qala ákimine turǵyndardan kóp aryz túskenin aıtty.
Onyń aıtýynsha, №70 baǵdarǵa qyzmet kórsetken tasymaldaýshy kásiporynda avtobýs jetispegen.
«Almatyelektrotrans» JShS qajetti kólik birligin bólý týraly sheshim qabyldady. Endi Eýro-5 standartynyń tómen edendi, kondıtsıonermen, pandýspen, beınebaqylaýmen jabdyqtalǵan avtobýstar jolaýshylardy tasymaldaıtyn bolady.
«Atalmysh baǵdarǵa suranys joǵary. «Kókjıek» shaǵyn aýdanynan shyǵyp qalanyń ortasyn kesip ótip, «Gornyı gıgant» shaǵyn aýdanyna baryp tireledi. Jańa avtobýster berilgen soń jolaýshylar aǵyny odan ary artatynyna senimdimin», - dedi M.Isahov.
Aıta ketý kerek, Almaty qalasynda qolǵa alynǵan qoǵamdyq kólik quramyn jańartý jobasy boıynsha №86, 65, 103, 50, 126, 112 baǵdarlarǵa jańa avtobýstar shyqqan bolatyn.
