Almatyda 7 jolaýshylar tasymaldaý mekemesiniń jeke bazasy joq - Asqar Toıbaev
ALMATY. 18 sáýir. QazAqparat /Erlik Erjanuly/ - Almatyda bıylǵy jyldan bastap qoǵamdyq jolaýshylar tasymaldaý mekemeleri aı saıyn 10-15 kólikti jańartýdy josparlap otyr. Ony Jolaýshylar kóligi jáne avtomobıl joldary basqarmasy bastyǵynyń orynbasary Asqar Toıbaev búgin qalalyq ákimdikte ótken baspasóz máslıhatynda aıtty.
«Almatyda qazir 23 jekemenshik jolaýshylar tasymaldaý mekemesi bar. Avtobýs parkin jańartýǵa mekeme basshylary ózderi jaýap beredi. Biz qazir olarǵa talap qoıyp otyrmyz. 2011-2012 jyldary ózderiniń jeke bazalary joq mekemelerdiń biryńǵaı qalypqa kelýine. Bul úshin olardyń keıbiri ózara birigýi múmkin», - deıdi Asqar Toıbaev. Onyń aıtýynsha, qazirgi tańda qalada 24 jolaýshylar tasymaldaý mekemesi bar. Onyń bireýi ǵana mýnıtsıpıaldy avtopark. Qazir jekemenshik 23 avtoparktiń jeteýiniń jeke bazasy joq. Olardyń qazirgi turyp jatqan oryndary jalǵa alynǵan.
