Almatyda 7 jasar qyzǵa kúsh kórsetpek bolǵan er adam ustaldy
ALMATY. QazAqparat - Almatyda jeti jasar qyzdy sheshindirmek bolǵan 19 jastaǵy jigit ustaldy, dep habarlaıdy QazAqparat tilshisi Polisia.kz. silteme jasap
Oqıǵa túski saǵat 13:00-de Túrksib aýdanyndaǵy úılerdiń birinde bolǵan.
«7 jastaǵy qyz dúkennen úıine kirip kele jatqan. Onyń artynan er adam qosa kiredi. Balany qolyna alyp, baspaldaqpen qaıtadan tómenge túsedi. Keıin ony kameraǵa túspeıtin qýysqa alyp kirgeni kórinedi. Onda er adam balany sheshindirip, tıise bastaǵan. Bala qashyp shyǵady. Úıine kelip, bolǵan jaǵdaıdy anasyna aıtyp bergen. Anasy birden polıtsııaǵa habarlasty. Bul qylmysty «izin sýytpaı» ashýǵa kómektesti», - dedi Almaty qalasy Polıtsııa departamenti bastyǵynyń orynbasary Rýstam Ábdirahmanov.
Kúdikti qamaýǵa alyndy. Bul 2002 jyly týǵan F.esimdi azamat. Er adamnyń aqyl-esi kem dep esepte turǵany anyqtaldy. Ol sol aýdanda turady.
«Bul fakt sotqa deıingi tergeýdiń biryńǵaı tiziliminde QR QK-niń 124-baby 1-bóligi boıynsha tirkelgen. Qylmystyq ister boıynsha tıisti tergeý sharalary men saraptamalyq zertteýler júrgizilýde», – dedi Ábdirahmanov.
