Almatyda 7-shi qysqy Azııa oıyndaryn nasıhattaýǵa arnalǵan fotokórme ashyldy
ALMATY. Tamyzdyń 24-i. QazAqparat /Ádilet Musahaev/ - Búgin Almatyda 7-shi qysqy Azııa oıyndaryn nasıhattaýǵa arnalǵan «Azıada-2011 qarasańynda» atty fotokórmeniń saltanatty ashylý rásimi ótti,
dep habarlaıdy QazAqparat.
Atalmysh kórmede Azıada-2011 qarsańynda ótken is-sharalardyń qyzyqty sátteriniń fotosýretteri men sport nysandarynyń sýretteri qoıylǵan.
«Osydan biraz ýaqyt buryn aýdanymyzda áleýmettik taqyrypqa kórme ashqan edik, al búgingi kórmeni Azıada-2011-ge arnap otyrmyz. Munda qoıylǵan sýretterden qalamyzdyń turǵyndary men qonaqtarynyń sportqa degen yntalaryn, aldaǵy Azıada-2011 oıynyna úlken den qoıatynyn baıqaýǵa bolady», deıdi Almaly aýdanynyń ákimi Marat Pirimbekov.
Sonymen qatar kórmeniń ashylýyna mádenıet qaıratkeri Qydyráli Bolmanov pen Almaty qalasynyń «2011 jylǵy 7-shi qysqy Azııa oıyndary dırektsııasy» MKQK-nyń dırektory Sultanmahmut Shoqpytov qatysyp, jınalǵandardy aıtýly oıynǵa óz úlesterin qosýǵa shaqyrdy.
Kórmeni Almaty qalasynyń «2011 jylǵy 7-shi qysqy Azııa oıyndary dırektsııasy» MKQK men áleýmettik jarnama jáne zamanaýı óner «Astanalyq» ortalyq galereıasy uıymdastyrǵan.
