Almatyda 7 páter tonaǵan áıel sottaldy
ALMATY. QazAqparat - Almatyda páter tonap, ońaı olja tabýmen aınalysqan áıel sottaldy, dep habarlaıdy QazAqparat tilshisi qalalyq sottyń baspasóz qyzmetine silteme jasap.
Іs materıaldaryna sáıkes, áıel 5 páterdi tonap, quny 662 000 teńge bolatyn múlikti qoldy etken.
Eń birinshi Taýgúl shaǵyn aýdanyndaǵy 2-Vıshnevskaıa kóshesi, 1/35 «b» mekenjaıyndaǵy páterden 75 000 teńge turatyn «SamsungJ1» telefonyn alyp ketken.
Sosyn 10-shaǵyn aýdandaǵy 5-úı, 68-páterge kirip, quny 150 000 teńge bolatyn «HTC» markali noýtbýkty qoldy etti.
1 shilde kúni túski 15:00 shamasynda Mamyr-7 shaǵyn aýdanyndaǵy 3-úı, 28-páterden ishinde 80 000 teńge bolǵan sómkeni urlap ketken.
1 apta ótken soń túski 13:30 shamasynda Taýgúl shaǵyn aýdany, Teplıchnaıa kóshesindegi, 12/18 úıden 50000 teńge, quny 75000 teńge bolatyn «Býlgarı» altyn saqınasyn, 70 000 teńge turatyn «Vanklıf» syrǵasyn, quny 50 000 teńge bolatyn «Tıfanı» altyn saqınasyn urlaǵany anyqtaldy.
Kelesi kúni 11:00 shamasynda Aqsaı 3A shaǵyn aýdanyndaǵy 65 úı, 33 páterden quny 7000 turatyn sómke men 3000 turatyn ámııandy qoldy etken.
Sol kúni keshki 18:00-de Aqsaı-3 shaǵyn aýdany, 1/1úıden barsetka jymqyryp ketken. Sómkeniń ishinde 5000 teńgelik USB-modem, 2000 teńge aqsha, 5000 teńge turatyn ámııan bolǵan.
13-shildede Mamyr-3 shaǵyn aýdanyndaǵy plastık qutyny qoldy etken. Ydysta 80 000 teńge aqsha bolǵan.
Sot otyrysynda kúdikti óz kinásin tolyǵymen moıyndady.
Sot úkimimen sottalýshy QR QK 188-babynyń 2-bólimimen, aıypty dep tanylyp, 2 jylǵa bas bostandyǵynan aıryldy.
