Almatyda 7-nshi qysqy Azııa oıyndaryn nasıhattaýǵa arnalǵan sporttyq-mádenı is-sharalar ótip jatyr
ALMATY. 11 Qarasha. QazAqparat /Názıra Eleýhan/ - Almatyda 7-nshi qysqy Azııa oıyndaryn nasıhattaý aıasynda Qazaq memlekettik qyzdar pedagogıkalyq qyzdar ýnıversıtetinde "Biz Azıadany qoldaımyz" atty sporttyq-mádenı is-sharalar ótýde.
Atalmysh oqý ornynyń bastamasymen uıymdastyrylǵan spartakıadada ýnıversıtettiń ár fakýltetteri dostyq kezdesýler ótkizip, arqan tartys, buqa tartys, qol kúres, estafeta jáne taǵy da basqa sport túrleri boıynsha saıysqa túsýde.
Keshe bastalǵan jarys búgin estrada juldyzdarynyń qatysýymen ótetin saltanatty kontsertpen jáne sportshy stýdentterdiń sherýimen aıaqtalady. Kesh barysynda qysqy Azııa oıyndarynyń tarıhy men Qazaqstanda ótilýi jaıynda derekti fılm kórsetilip, jeńimpazdardy marapattaý rásimi ótedi.
Qazaq memlekettik qyzdar pedagogıkalyq qyzdar ýnıversıtetiniń dene shynyqtyrý jáne sport mamandyǵynyń stýdentteri Qazaqstannyń sportyn damytýǵa óz úlesterin qosyp kele jatqandyǵy belgili. Ótken, 2009 jyly atalmysh oqý orny 5-shi ýnıversıada oıyndaryna qatysqan 70 JOO ishinde 35 medal alyp, alǵashqy ondyqqa kirgen bolatyn. Bul oqý ornynda eki dúrkin álem chempıony, aýyr atletıkadan álem jeńimpazy Maııa Maneza oqıdy. Ol dene shynyqtyrý jáne sport mamandyǵynyń 1-kýrs stýdenti. Sonymen qatar oqý orny Tatıana Kolpakova, Taısa Mahmaeva, Aqmaral Shyńǵyshanova syndy sportshylaryn maqtan tutady.
