Almatyda 7 muǵalim men 18 oqýshydan týberkýlez anyqtaldy
ALMATY. QazAqparat – Almaty mektepterinde 75 qyzmetker ýaqytsha jumystan shettetildi, dep habarlaıdy QazAqparat tilshisi.
«Biz 100 aspaptyq-zerthanalyq zertteý júrgizdik. Jospardan tys taǵy 75 tekserý boldy, 105 aıyppul salyndy, 100-den astam hattama toltyryldy. Medıtsınalyq tekserýden ýaqytyly ótpegen 75 qyzmetker ýaqytsha jumystan shettetildi», - dedi Almaty qalalalyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova.
2019 jyldyń segiz aıynda Almaty mektepterinde 7 muǵalimnen týberkýlez anyqtaldy. Ótken jyly osyndaı 4 jaǵdaı tirkelgen bolatyn. Oqýshylar arasynda 18 jaǵdaı anyqtaldy, al byltyr 24 oqýshy týberkýlezge shaldyqqan edi.
