Almatyda 7 mln 400 myń maska tárkilendi

ALMATY. QazAqparat – Almaty qalalyq Sybaılas jemqorlyqqa qarsy kúres qyzmeti BAQ betterinde jarııalanǵan aqparatqa taldaý jasaý arqyly medıtsınalyq buıymdardy zańsyz satý derekterin áshkereledi, dep habarlaıdy QazAqparat tilshisi.

Jedel tergeý jumystary barysynda quny 27 mln teńge bolatyn 1 mln maska tárkilendi.

Zańsyz saýdamen aınalysqan adamdarǵa qatysty QR 189-babymen qylmystyq is qozǵaldy.

Belgili bolǵandaı, buıymdar astyrtyn qoımadan shyqqan. Ekonomıkalyq tergeý departamenti qyzmetkerleri sol jerge baryp, jedel tergeý amaldaryn júrgizdi.

Tintý barysynda 6 mln 400 myń maska tabyldy.

Jalpy keshe Almaty qalalyq Sybaılas jemqorlyqqa qarsy kúres qyzmeti 7 mln 400 myń maska tárkiledi.