Almatyda 7-Qysqy Azııa oıyndarynyń Alaý estafetasy «Astana» alańynda máresine jetti

Alaý estafetany Olımpıada chempıony, belgili sportshy Olga Shıshıgına aıaqtady.

Azıada oıyndary Alaýynyń Almaty qalasynda alǵash ret tutanýymen Almaty qalasy ákiminiń orynbasary Serik Seıdýmanov quttyqtap: «Alaý estafetasy eń jarqyn oqıǵalardyń biri bolyp tabylady. Biz Almaty qalasynan Alaýdyń bastaý alatynyn, Aq Azıada saltanatty sharasyna aq joldy bastaýshylardyń alǵashqysy bolǵandyǵymyzdy, ondaı qurmettiń bizdiń qalamyzǵa berilgenin maqtan tutamyz. Búgingi ádemi dástúr bizdiń birligimiz ben jeńiske degen erik jigerimizdi beıneleıdi», - dedi.

Ol sonymen qatar, Qazaqstan Azııa elderindegi eń iri jarystardy ótkizýge ıe bolǵan 4-inshi el dep atap ótti.

Saltanatty shara arnaıy daıyndalǵan kontserttik baǵdarlamamen jalǵasty. Sharaǵa barlyq alaýgerler qatysty. Olardyń qatarynda qalanyń tanymal tulǵalary, elimizge belgili óner, sport qaıratkerleri, memlekettik organdar men ÚEU-lar ókilderi, sonymen qatar tanymal bolyp úlgergen jastar da bar. Azıada oıyndary 11 sport túrinen bolǵandyqtan búgingi merekelik kontserttiń sazdy quttyqtaý sany da 11 boldy. Kontsertke elimizdiń estrada juldyzdary qatysyp, ánderimen shashý shashty. Sahna juldyzdary qazaqstandyqtarmen birge «Alǵa Qazaqstan!» dep urandap, sportshylardy qoldap, úlken jetistikter tiledi. Shara barysynda «Azıada oıyndary jaqsy ótsin» degen tilekpen halqymyzdyń yrymy «alastaý» rásimi jasaldy. Almaty qalasynyń qazandyǵy jaǵylyp, Azıada alaýy Taraz qalasynyń ókiline tabystaldy. Merekelik shara otshashýmen aıaqtaldy.

Estafetanyń eń erekshe kórinisteriniń biri - kókpardan Qazaqstan quramasynyń múshesi Eldos Tileýbaldıevtiń óz tulparynda alaýdy alyp júrýi boldy.

Almaty qalasynan keıin estafeta elimizdiń 16 qalasynda ótetin bolady.