Almatyda 7- Qysqy Azııa oıyndaryn qoldaýǵa baǵyttalǵan qaıyrymdylyq aktsııa bolyp ótti
ALMATY. 15 jeltoqsan. QazAqparat /Názıra Eleýhan/- Búgin Almatyda QR Densaýlyq mınıstrliginiń Respýblıkalyq ana men balany qorǵaý ǵylymı-zertteý ortalyǵynda Táýelsizdiktiń 19 jyldyǵy men 7-Qysqy Azııa oıyndaryn qoldaýǵa baǵyttalǵan qaıyrymdylyq aktsııa bolyp ótti.
Atalmysh sharanyń uıymdastyrýshylary - Almaty qalasy ákimdiginiń Qysqy Azııa oıyndarynyń Dırektsııasy men 7- Qysqy Azııa oıyndarynyń daıyndyq jáne úılestirýdiń jedel shtaby.
Aktsııada jańa dúnıe esigin ashqan sábıler men olardyń ata-analaryna 7-Qysqy Azııa oıyndarynyń boıtumary bolyp tabylatyn kishkentaı alan «Irbı» men kádesyılar tabystaldy.
«Bul shara salaýatty ómir saltyn qalyptastyrý ıdeıasy men 7-Qysqy Azııa oıyndaryn nasıhattaý maqsatynda ótkizilip jatyr. Qysqy Azııa oıyndarynyń boıtumary kishkentaı alan «Irbı» jáıdan-jáı usynylyp otyrǵan joq. Ol jeltoqsan aıynda, elimizdiń eń qasıetti merekesi Táýelsizdik kúni merekesi qarsańynda jáne Azııa oıyndary aldynda dúnıe esigin ashqan sábılerdi qorǵap, bolashaqta olardyń elimizdiń beldi sportshysy bolýǵa yqpalyn tıgizedi degen nıetpen syıǵa tartylyp otyr», -dedi 7-Qysqy Azııa oıyndarynyń ádistemelik Departamenti dırektorynyń orynbasary Danııar Tebaev.
Syılyq ıeleriniń biri Aıqymbekova Albına: «Men balamnyń elimiz úshin úlken mártebe bolyp sanalatyn Azıada qarsańynda dúnıege kelgenine qýanyshtymyn. Sábıim óskende elimizdiń týyn kókke jelbiretetin sportshy bolady dep oılaımyn», -dedi.
