Almatyda 7 qabatty úıden órt shyǵyp, úsh adam qutqaryldy
ALMATY. QazAqparat- Almatyda 7 qabatty úıden órt shyǵyp, úsh adam qutqaryldy, dep habarlady QazAqparat tilshisi.
«Búgin keshki saǵat 17.04-te Almaty qalasy TJD kezekshi-dıspetcherlik qyzmetiniń pýltine Almaty qalasy Medeý aýdanynda jeti qabatty turǵyn úıde órt shyqqany týraly habarlama tústi. Páterde jıhaz jáne úı zattary janǵan»,- deıdi QR TJM resmı ókili Talǵat Ýálı.
Órtti sóndirýge Almaty qalalyq Tótenshe jaǵdaılar departamentiniń 22 qyzmetkeri men 5 birlik tehnıkasy jumyldyryldy.
Órt besinshi qabattaǵy páterden shyqqan. Mamandar órt avtosatysynyń kómegimen 3 adamdy qutqardy. Turǵyndar evakýatsııalandy.
Órt saǵat 17:32-de sóndirildi.
Qyzyl jalyn 30 sharshy metr jerdi sharpyǵan.
Qaza bolǵandar men zardap shekkender joq.
