Almatyda «7 ıgilikti is» jobasy aıasynda 100 kóshet otyrǵyzyldy

ALMATY. 3 mamyr. QazAqparat - Almatydaǵy «Raıymbek» metro beketi aýmaǵy jasyl jelekpen kómkerilýde. KaR-Tel» JShS-i men  PosadiDerevo.kz qoǵamdyq qozǵalysy onda 100 aǵash kóshetin otyrǵyzdy.

Bul shara sáýir aıynda bastalǵan «7 ıgilikti is» jobasy  aıasynda júzege asyrylǵan 2-shara bolyp otyr. Onyń aldynda  aǵash otyrǵyzylatyn  shaǵyn alań qoqystan tazartylyp, «Aǵash otyrǵyz» SMS-jobansyn qoldaý maqsatynda eń kóp habarlama jibergen abonentterge uıaly baılanys operatorynyń syılyqtary tapsyryldy. Oǵan SMS-jobanyń belsendi qatysýshylary men PosadiDerevo.kz qoǵamdyq qozǵalysynyń bastamashyl músheleri jáne joǵary oqý oryndarynyń stýdentteri atsalysty.

«Sáýirdiń aıaǵynda bizdiń kompanııa Qazaqstanda jumys jasaǵanyna 7 jyl tolýyna oraı «7 ıgilikti is» atty áleýmettik jobanyń bastalýyn jarııaladyq. Osy joba aıasynda kompanııa qyzmetkerleri men barlyq qazaqstandyqtardyń belsendi qatysýymen aýqymdy áleýmettik is‑sharalardyń serııasy uıymdastyrylady. Onyń ishinde oblys ortalyqtaryn abattandyrý maqsatyndaǵy jumystar da bar. Bizdi óz abonentterimizdiń  shaqyrýymyzdy qabyldap, elimizdiń qalalarynyń kórkeıýine óz qarajattary men kúshterin jumsaǵany qýantady», - deıdi «KaR-Tel» JShS-niń qoǵammen baılanys jónindegi menedjeri Anar Jumaǵulova.

Onyń aıtýynsha, «Aǵash otyrǵyz» SMS-jobasy 2010 jyldyń jazynda iske qosyldy. Qurylǵan sátten bastap uıaly baılanys abonentteri 111 qysqa nómirine árqaısysy 100 teńge turatyn 7  myńnan astam SMS-habalama jiberdi. Jınalǵan bul qarajatqa osy ýaqytqa  deıin 2 ret aǵash otyrǵyzyldy. Alǵashqy is-shara 2011 jyldyń qazan aıynda Almaty qalasynyń Bostandyq aýdanynda ornalasqan Tımırıazev jáne Baıtursynov kósheleriniń qıylysynda júzege asyrylǵan.