Almatyda 7,5 shaqyrymdyq jasyl dáliz salynbaq
ALMATY. QazAqparat - «Almatyny damytý – 2021: kóriktendirý jáne kógaldandyrý jobalary» onlaın-tanystyrylym kezinde megapolıs basshysy Baqytjan Saǵyntaevqa Almatyǵa eń jasyl qala mártebesin qaıtarý boıynsha jasalyp jatqan jumystar jóninde jasyl ekonomıka basqarmasynyń basshysy Natalıa Lıvınskaıa baıandap berdi, dep habarlaıdy QazAqparat tilshisi.
Jasyl ekonomıka basqarmasynyń basshysy atap ótkendeı, qala qurylysynyń jańa saıasaty - ol ár aýdanda óz-ózine jetkilikti ortalyq qurý.
«Bizdiń mindetimiz - aýdandardyń sáıkestigin basa kórsetý, qaýipsiz, jaıly parkter, al, bizdiń saıasatymyz - turǵyndardyń qajettiligine qaraı ár aımaqtyń biregeıligin basa kórsetý. Abattandyrý týraly ár jobada biz almatylyqtarmen birge ózara áreket etetin bolamyz», - dep atap ótti Natalıa Lıvınskaıa.
Prezentatsııada Túrksib aýdanyndaǵy Áýejaı kóliniń jaılastyrylýy tanystyryldy. Alataý jáne Jetisý aýdandaryndaǵy qoǵamdyq keńistikter. Olardyń maqsaty jaıly maksımaldy túrde jasyl ortany qalyptastyrý. Qoǵamdyq keńistik júıesin qalyptastyrý.
Úlken Almaty kanalyn abattandyrý men jóndeý jobasy. Kanaldy túgelimen qaıta jóndeýden ótkizý josparlanýda, onyń kópirleri, gıdrotehnıkalyq qurylǵylary, onyń boıyndaǵy jaıaý júrginshi joly. Qaýipsiz jaıaý júrginshi joly men velosıped joly úsh aımaqty ózara qosatyn bolady.
Tuńǵysh Prezıdent parki - Úlken Almaty - Saıran kóliniń jaǵasynda úlken dáliz qurý josparlanýda. Onyń uzyndyǵy 7,5 shaqyrym bolmaq. Jasyl dáliz qurylysynyń jospary bıyl jyl sońyna deıin aıaqtalmaq.
«Qazir biz eń basty aktıvterdiń biri - Tuńǵysh Prezıdent parkinen bastalatyn dálizdi qalyptastyrýdamyz. Ár almatylyq, qala qonaqtary da keminde bir ret bolsa da Tuńǵysh Prezıdent parkinde bolǵan bolar. Qazir bul park qalalyq deńgeıde, alaıda biz ony álemdik deńgeıdegi parkke jetkizýdi josparlap otyrmyz», - dedi Jasyl ekonomıka basqarmasynyń basshysy.
Sondaı-aq, Esentaı men Kishi Almaty ózenderiniń jaǵasy damıtyn bolady, ıaǵnı olar qalanyń soltústigi men ońtústigin biriktiretin jaıaý júrginshi ózegin qalyptastyratyn úlken múmkindikke ıe.
Basqarma basshysy qalalyq Arboretým men mádenı klasteri kiretin baqsha klasteriniń jobalaryn tanystyrdy.
«Qalanyń ortalyq bóliginde basqasha tásil kózdelgenin basa aıtqym keledi. Qalanyń ortalyq bóliginde kúrdeli jóndeý jumystary bolmaıdy - biz bárimiz jaqsy kóretin Almatynyń biregeı atmosferasyn saqtap qalatyn bolamyz», - dep atap ótti Natalıa Lıvınskaıa.
Qazaqstannyń sımvoly, tarıhı nysan, Almatynyń murasy -Memlekettik murajaı, Oqýshylar saraıy, Áýezov atyndaǵy teatr, Qasteev atyndaǵy murajaı, Báıseıtova kóshesi syndy qala turǵyndary úshin mańyzdy nysandarǵa irgeles aýmaqtar jańartylyp, qaıta qalpyna keltiriletin bolady.
«Sóz sońynda taǵy da qaıtalap aıtqym keledi, barlyq joba Almaty qalasynyń turǵyndarynyń qatysýynsyz júzege asyrylmaıdy. Óıtkeni turǵyndarmen jumyla jumys istegende ǵana Almatyny jaıly ári qaýipsiz ete alamyz. Qalaǵa jańa skverler men saıabaqtar kerek, Almatynyń biregeıligin atap ótý kerek. Al qalanyń ortalyq bóliginde - biz maksımaldy túrde tarıhı qundylyǵyn saqtap qalýǵa tyrysamyz», - dep qorytyndylady basqarma basshysy.
