Almatyda 67 jastaǵy áıel men balasy qandala óltiretin quraldan ýlanyp qaldy
ALMATY. QazAqparat – Almatyda úıindegi qandalany dárimen ýlaǵan anasy men uly ıis tıip, aýrýhanaǵa tústi, dep habarlaıdy QazAqparat.
«1 jeltoqsan kúni qalalyq aýrýhanaǵa 1952 jyly týǵan áıel men 1987 jyly týǵan jigit jetkizildi. Dıagnozy – tynys joldarynyń jándikterdi óltiretin quraldan ýlanýy. Ýytty entsefalopatııa. Qazirgi tańda patsıentter jedel járdem aýrýhanasynyń jansaqtaý bóliminde jatyr. Jaǵdaılary aýyr. Tıisti em-shara júrgizilýde», - dep málim etti Almaty qalasy taýar sapasy men qaýipsizdigin baqylaý departamenti.
Sońǵy málimetke sensek, 30 qarasha kúni olar bazardan satyp alǵan «Palach» atty qandala ýlaıtyn ınsektıtsıdti páterge sepken.
Qazirgi tańda departament tıisti is-sharalardy júrgizip, atalmysh quraldy zerthanada tekserýden ótkizýde. Kórshilerden suraq-jaýap alyndy. Olardyń densaýlyǵyna qaýip tónip turǵan joq.
