Almatyda 67 medıtsınalyq uıym josparly emdeýdi qaıta bastady
«Áleýmettik medıtsınalyq saqtandyrý qory» KEAQ Almaty qalalyq fılıalynyń dırektory Tileýhan Ábildaevtyń aıtýynsha, josparly medıtsınalyq kómek kórsetetin medıtsınalyq uıymdardyń tolyq tizimin qordyń saıtynan kórýge bolady. Tizim únemi jańartylyp otyrady.
«J úrgizilgen monıtorıng qorytyndysyna sáıkes, 2020 jyldyń 10 tamyzyndaǵy jaǵdaı boıynsha, elimizde medıtsınalyq saqtandyrý qorynyń 626 medıtsınalyq uıymy josparly medıtsınalyq kómek kórsetedi. Onyń ishinde terapevtik, kardıologııalyq, gastroenterologııalyq, allergologııalyq, hırýrgııalyq, nevrologııalyq, pýlmonologııalyq, reanımatsııalyq, akýsherlik-gınekologııalyq, neırohırýrgııalyq, travmatologııalyq beıinder, torakaldyq hırýrgııa, qalpyna keltirý emi jáne medıtsınalyq ońaltý qyzmetteri bar», - dedi fılıal basshysy.
Aıta ketsek, 67 medıtsınalyq uıymnyń ishinde jeke klınıkalardyń sany aıtarlyqtaı jetkilikti.
«Medıtsınalyq qyzmetterdi tutynýdyń boljamdy ósýin eskere otyryp, úshinshi toqsanda aǵymdaǵy jylǵa josparlanǵan kólemder oryndalýy múmkin. Mysaly, birinshi toqsanda josparly emdeýge jatqyzý ótken jyldyń sáıkes kezeńimen salystyrǵanda 80% - ǵa ósti. Táýlik boıy jumys isteıtin statsıonarlarda mamandandyrylǵan medıtsınalyq kómek 15%-ǵa, medıtsınalyq ońaltý 35%-ǵa ulǵaıdy. Qor óz tarapynan qarjylandyrý josparyna túzetýler engizedi», – dedi Tileýhan Ábildaev.
