Almatyda 66 jastaǵy áıeldi kólik qaǵyp ketti
ALMATY. QazAqparat – Almatyda ruqsat etilmegen jerden joldy kesip ótpek bolǵan áıeldi kólik qaǵyp ketti, dep habarlaıdy QazAqparat tilshisi.
Jol-kólik oqıǵasynyń vıdeosy áleýmettik jelilerde tarady. Qaıǵyly jaǵdaı ótken túnde Almatynyń Áýezov aýdanynda Saın men Tóle bı kósheleriniń qıylysynda bolǵan.
Saın kóshesimen soltústikke qaraı baǵyt alǵan «Hyundai» kóliginiń júrgizýshisi 1954 jyly týǵan P. atty áıeldi qaǵyp ketti.
Jaıaý júrginshi oqıǵa ornynda kóz jumdy.
«Atalǵan fakti sotqa deıingi tergep-tekserýdiń biryńǵaı tizimine QR QK 345-baby boıynsha tirkeldi. Tıisti sot-medıtsınalyq saraptama taǵaıyndaldy» dep habarlady polıtsııadan.
