Almatyda 66 aýlada kúrdeli jóndeý jumystary júrip jatyr
ALMATY. QazAqparat- Almatynyń Almaly aýdanynda 66 aýlada jóndeý jumystary aıaqtalyp qaldy. Bul týraly Almaly aýdanynyń ákimi Erjan Seıtenov onlaın brıfıng barysynda aıtty, habarlaıdy QazAqparat tilshisi.
Aýdan ákimi aýla aýmaqtaryn abattandyrý ǵana emes, turǵyndardyń jaıly ómir súrýi úshin jaǵdaıdy jaqsartý mańyzdy ekenin atap ótti.
«Qazir aýdanda 1 395 kópqabatty turǵyn úı bar. Onyń ústine «Nurly jer» baǵdarlamasynyń arqasynda 37 úıde 102 lıft jabdyǵy jańartyldy. Shevchenko kóshesindegi turǵyn úıdiń shatyry men qasbetterin kúrdeli jóndeý jumystary aıaqtaldy, bes kópqabatty turǵyn úıdi kúrdeli jóndeý jumystary júrgizilýde. Shatyrlar men ınjenerlik jeliler aýystyrylyp, ǵımarattardyń qasbeti ózgertilip jatyr», - dedi Erjan Seıtenov.
Onyń aıtýynsha, bıyl josparlanǵan jóndeý jumystarynyń ishinde 12 kópqabatty 10 úıdiń qasbeti jóndelgen, qalǵan eki úıdiń jóndeý jumysy osy aıda aıaqtalady.
Sondaı-aq ákim 66 aýla aýmaǵynda kúrdeli jóndeý jumystarynyń júrip jatqanyn jáne ol osy kúzde aıaqtalatynyn jetkizdi.
