Almatyda 650 eski úı qaıta qalpyna keltiriledi
ALMATY. QazAqparat - Almatyda 650 eski úı qaıta qalpyna keltiriledi. Bul týraly Almaty qalasy máslıhatynyń depýtaty Maksım Fınogenov málim etti, dep habarlaıdy QazAqparat tilshisi.
Maksım Fınogenov eski úılerdi kúrdeli jóndeý men qaıta qurylymdaý boıynsha jáne memlekettik baǵdarlamanyń oryndalýyn baqylaý aıasynda Áýezov aýdanynyń turǵyn úılerin tekserdi. Jalpy alǵanda, 650-den astam eski úılerdi jóndeý josparda.
Jumys sapary barysynda 2-shi shaǵynaýdandaǵy 2 úı qaraldy. Depýtattyń aıtýynsha, tekserý nátıjeleri áli de qanaǵattanarlyq emes, oryndalatyn qurylys jumystarynyń sapasy boıynsha eskertýler bar, tehnıkalyq qadaǵalaý joq.
Eski úılerdi qaıta qurý boıynsha júrgizilip jatqan barlyq jumystar máslıhat depýtatynyń erekshe baqylaýyna alyndy.
