Almatyda 650 adam júgirýden jarysty
ALMATY. QazAqparat - Búgin Almatyda Baým baǵynda jazǵy júgirýden sporttyq shara ótti, dep habarlaıdy QazAqparat tilshisi.
Onda 650 adam, onyń ishinde 50 bala baǵyn synady.
«Almaty marafon» baspasóz qyzmeti habarlaǵandaı, balalarǵa arnalǵan 2 shaqyrymdyq qashyqtyqta Vladıslav Pereverzev pen Ekaterına Tsýrıkova úzdik boldy.
15 shaqyrymdyq qashyqtyqta erler arasynda Mıhaıl Krasılov (15-34 jas), Raýan Abylhanov (35-49), ıÝrıı Paşenko (50+) máre syzyǵyna birinshi jetti.
Áıelder arasynda Merdjen Ishangýlyeva (15-34), Ásem Qabıdoldanova (35-49), Lıýbov Asanova (50+) úzdik nátıje kórsetti.
Komandalyq estafetada 30 toptyń ishinen "Doable K" komandasy qara úzip keldi.
«Jazǵy júgirý osymen 3-ret ótkizilip otyr. Bıyl qatysýshylardyń sany artty. Byltyrǵydan 100 adam artyq tirkeldi. Baým baǵynyń ishi óte keń emes bolǵandyqtan, oǵan qatysatyn adamdardyń sanyn shektedik. Endi kúzde ótetin sharaǵa daıyndyqty bastap kettik», - dedi «Almaty marafon» dırektory Saltanat Qazybaeva.
Qatysýshylardyń barlyǵy máre medalin aldy. Al jeńimpazdar arnaıy gramota men estelik syılyqtarǵa ıe boldy.
Jazǵy júgirý 2015 jyldan beri ótkizilip keledi. Bul shara Almaty marafonyna daıyndyq kezeńi túrinde uıymdastyrylady.
Aıta keteıik, bıylǵy sporttyq sharany akademık Esenov atyndaǵy ǵylym men bilim qory ótkizdi. Sondaı-aq, qala ákimdigi men Іle-Alataý ulttyq saıabaǵynyń ákimshiligi qoldaý kórsetti.
