Almatyda 64 aqyly avtoturaq ashyldy
ALMATY. QazAqparat - Aqyly avtoturaqtardyń qyzmetine jaýapty «Almaty SpetsTehParkıng Servıs» JShS aqyly jańa nysandar ashylǵanyn málimdedi, dep habarlaıdy QazAqparat tilshisi.
«Alǵashqy nysan Jeltoqsan kóshesinde Qazybek bı kóshesimen Tóle bı kóshesine deıingi aralyqta ashylǵan. Bul jerde 20 oryn bar. Ekinshi nysan, Naýryzbaı batyr kóshesinde, naqtyraq aıtqanda Qazbek bı kóshesimen Bógenbaı batyr kóshesi aralyǵynda. Ol jerde 44 kólikke oryn bar. Barlyq turaqta eskertý taqtasy men ereje belgileri bar. Aqyly turaq quny saǵatyna 100 teńge», - deıdi kompanııadan.
«Almaty SpetsTehParkıng Servıs» kompanııasy turaqtarda biryńǵaı avtomattandyrylǵan tólem júıesi jumys jasaıtynyn jáne ondaǵy qyzmetkerge aqsha berýge tyıym salynatynyn eskertedi.
ıAǵnı, «Almaty SpetsTehParkıng Servıs» JShS resmı qyzmetkerleriniń qolma-qol aqsha alýǵa quqyǵy joq.
