Almatyda 63 túp jemis aǵash zańsyz kesilgen
ALMATY. QazAqparat - Almatyda 60- tan astam jemis aǵashy zańsyz kesildi, dep habarlaıdy QazAqparat tilshisi.
Almaty qalasynyń ekologııa jáne qorshaǵan orta basqarmasy Nurly taý, 46 shaǵyn aýdanynda aǵashtardy kesý faktisin anyqtady.
«Almaty qalasy ekologııa jáne qorshaǵan orta basqarmasynyń mamandary osy mekenjaıdaǵy aýmaqty tekserý kezinde 63 birlik jemis aǵashtaryn kesý faktisin anyqtady. Kesý ruqsat qujattarynsyz júrgizilgen. Sondyqtan tıisti tekserý aktisi jasaldy. Zańsyz áreketterden keltirilgen zalal 1060 AEK (3 657 000 tg) mólsherde»,- dep habarlady basqarmadan.
Budan basqa, kináliler ótem aǵash otyrǵyzýlary tıis. Almaty qalasynyń jasyl jelekterin kútip-ustaý jáne qorǵaý erejelerine sáıkes 3150 aǵashty quraıdy ári olardyń bıiktigi keminde 2,5 metr bolýy shart.
«Osy fakti boıynsha qoldanystaǵy zańnama aıasynda odan ári qaraı tıisti sharalar qabyldaý úshin Almaty qalasynyń polıtsııa departamentine jáne Almaty qalasynyń mamandandyrylǵan tabıǵat qorǵaý prokýratýrasyna hat joldandy»,- dep atap ótti Almaty qalalyq ekologııa jáne qorshaǵan orta basqarmasynan.
Foto: chromethemer.com
