Almatyda 62 jastaǵy er adamnan esirtki men tapansha tabyldy
ALMATY. QazAqparat- Almatyda polıtsııa qyzmetkerleri gashıshtiń iri partııasyn tárkiledi, dep habarlaıdy QazAqparat tilshisi.
Almaty qalalyq polıtsııa departamenti baspasóz qyzmetiniń málimetine súıensek, Esirtki qylmysyna qarsy is-qımyl basqarmasynyń qyzmetkerleri jedel-izdestirý sharalary barysynda Naýryzbaı aýdanynyń 62 jastaǵy turǵynynyń ustady.
«Saraptamaǵa sáıkes, arnaıy is-sharalar kezinde alynǵan zat – gashısh esirtkisi. 62 jastaǵy A.esimdi azamat ustaldy. Kúdiktiniń turǵylyqty jerinde ruqsat etilgen tintý kezinde ósimdik tektes jáne erekshe ıisi bar birneshe polıetılen oramdary tabyldy jáne tárkilendi: dálizden 15 býma, shkaftan 11, taǵy 9-y kólikte jasyrylǵan. Sondaı-aq, úıden gaz tapanshasy tabyldy», – dedi Almaty qalalyq PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.
Polıtsııa ókiliniń aıtýynsha, kúdikti esirtki satqanyn moıyndaǵan.
Atalǵan derek boıynsha QR QK-niń 297-baby 1-bóligi boıynsha qylmystyq is qozǵaldy.
Kúdikti ýaqytsha ustaý ızolıatoryna qamaldy.
