Almatyda 600 sharshy metr aýmaqta qoımalar órtendi
ALMATY. QazAqparat - Almatyda qoıma ǵımarattary órtendi, dep habarlady QazAqparat tilshisi Almaty TJD-nyń resmı ókili Sandýǵash Baımuhambetovaǵa silteme jasap.
«3 qazan kúni saǵat 22:24-te Almaty qalalyq TJD-nyń «101» nómirine Jetisý aýdanyndaǵy Angarskaıa kóshesi, 107 meken jaıynda ornalasqan qoıma ǵımarattarynan órt shyqqandyǵy týraly habarlama kelip tústi. Shaqyrtý ornyna alǵashqy órt sóndirý qurylymy saǵat 22:33-te keldi. Kúshter men quraldar shaqyrtýdyń joǵary dárejesi boıynsha arttyrylyp otyrdy. Qutqarýshylar alynǵan aqparatty rastady - qoımalar órtendi. Qoldanylǵan sharalardyń arqasynda jalyn 23:05-te sóndirilip, 23:27-de tolyǵymen aýyzdyqtaldy», - dep atap ótti Sandýǵash Baımuhambetova.
Tilsiz jaý sharpyǵan aýmaq 600 sharshy metrdi qurady. Qurbandar men zardap shekkender joq.
