Almatyda 600-den astam jas ustaz 50 myń teńgeden ústemeaqy aldy
ALMATY. QazAqparat – Almaty qalasynyń ákimi Baqytjan Saǵyntaev pedagogtardy ustazdar kúnimen quttyqtady, dep habarlaıdy QazAqparat tilshisi.
Ákimniń aıtýynsha, bıylǵy oqý jylynda Almaty mektepterinde jumys isteıtin barlyq jas ustazǵa qarjylaı kómek kórsetilgen. Kómektiń jalpy kólemi – 23 mıllıon teńge.
«634 jas oqytýshynyń árbirine 50,5 myń teńgeden qarjylaı kómek berildi. Jalpy somasy – 32 mıllıon teńge boldy. Qalamyzdyń pedagogtar ujymy jas, qaıratty pedagogtarmen tolyqqany qýantady», - dedi Baqytjan Saǵyntaev.
Budan bólek, 2020 jyldan bastap Almatyda arnaıy granttar engiziledi.
«Meniń tapsyrmammen 2020 jyldan bastap qalanyń úzdik oqytýshylaryna beriletin Almaty qalasy ákiminiń granty engiziledi ári «Jyl oqytýshysy» qalalyq baıqaýy ótkiziledi», - dedi ákim.
Budan tys, 1100-ge jýyq pedagogqa «Úzdik pedagogtar ujymy» baıqaýynyń qorytyndysy boıynsha aqshalaı syılyq beriledi.
«Úsh jyl boıy 2,5 myń oqytýshy «Úzdik pedagogtar ujymy» baıqaýy boıynsha aqshalaı syılyq alyp keldi. Búgin, jeńimpaz atanǵan 10 mektepte jumys isteıtin 1099 oqytýshyǵa beriledi», - dep túıdi qala basshysy.
Avtory: Danııar Dáýitálıev
