Almatyda 600-den astam kópbalaly otbasy baspanaly boldy
«Ótken jyly 661 kópbalaly otbasyna baspana berildi. Onyń ishinde 10 páter demeýshilik qarajat esebinen alyndy. «Baqytty otbasy» baǵdarlamasy aıasynda kópbalaly otbasylarǵa 284 páter satyp alyndy», - dedi Almaty qalasy ákiminiń orynbasary Saparbek Tuıaqbaev.
Onyń aıtýynsha, «Baqytty otbasy» jáne «ISKER ANA» ortalyqtaryndaǵy áıelder kásipkerligin damytý baǵdarlamasy bıyl da jalǵasady. Sonymen qatar, memlekettik turǵyn úı baǵdarlamalary aıasynda 500-den astam kópbalaly januıa baspanamen qamtamasyz etiledi.
«Baqytty otbasy» áleýmettik ortalyǵyna 5692 otbasy keldi. Áleýmettik muǵalimder 3686 balaǵa qyzmet kórsetti. 776 adam zańgerdiń, 3766 áleýmettik qyzmetkerdiń, 1166 medıtsına mamanynyń, 567 psıhologtyń qyzmetterin paıdalandy. Basseın men fıtnes-zalǵa barý úshin 1298 kóbalaly anaǵa sertıfıkat berildi», - dedi Saparbek Tuıaqbaev.
2019 jyldyń tamyz aıynan bastap qalanyń barlyq 8 aýdanynda «Baqytty otbasy» ortalyqtary jumys istep jatyr. Onda 13 474 adam «ISKER ANA» bazalyq trenıngterinen ótti, 6 900 oqýshy oqý kýrstaryna qatysty.
