Almatyda 60 jastan asqan 59,5 myń adam vaktsınalandy
ALMATY. QazAqparat - Almaty qalasynda bir táýlikte 10 725 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Qoǵamdyq densaýlyq saqtaý basqarmasy taratqan málimetke sáıkes, 25 maýsym kúni 10 725 almatylyq vaktsına saldyrdy. Bıylǵy jyldyń 1 aqpany men 25 maýsym aralyǵynda qalada barlyǵy 413 703 adamǵa ekpe salyndy.
Vaktsına alǵandardyń jalpy sanynan 60 jastan asqan qart kisiler - 59 590.
Qalada 208 pýnkt jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady vedomstvodan.
«Qala boıynsha vaktsınanyń qaldyǵy – birinshi komponenttiń 51 847 dozasy jáne ekinshi komponenttiń 105 279 dozasy bar» - dep habarlady Almaty qalasy Qoǵamdyq densaýlyq basqarmasynyń baspasóz qyzmeti.
